კონცერნი Airbus-ი მზადაა ახალი მოდელების თვითმფრინავების წარმოება დიდი ბრიტანეთის ტერიტორიიდან „გაიტანოს“, თუ კი Brexit-ის პირობებში Airbus-ისათვის მისაღები სამუშაო ძალის თავისუფლად გადაადგილება, სავაჭრო ტარიფები და ასევე რეგულაციები არ იქნება გათვალისწინებული.
დღეისათვის კონცერნი დიდი ბრიტანეთის ტერიტორიაზე თვითმფრინავის ფრთების წარმოებითაა დაკავებული და მთლიანობაში 10 ათასი ადამიანი ყავს დასაქმებული.
როგორც Airbus-ის დირექტორმა ფაბრის ბრეჟემ განაცხადა, А320-ისა და А380 Superjumbo-ზე მუშაობას ისევ ბრიტანელი სპეციალისტები გააგრძელებენ, თუმცა შესაძლოა, რომ ახალი მოდელების წარმოება კი ქვეყნიდან „გადავიდეს“.
„ძალიან მარტივია ახალი წარმოებისთვის სადმე ახალი საწარმოს მშენებლობა. ჩვენ ძალიან ბევრი წინადადებები გვექნება“, განაცხადა ბრეჟემ.
გამოცემა Sunday Times-ი კი წერს, რომ პროექტის მხარდაჭერა შესაძლოა გერმანიამ უზრუნველყოს.
