ბრიტანული გაზეთები Guardian და Observer 2018 წლის დასაწყისში ტაბლოიდის სტილზე გადავლენ. ამის შესახებ Guardian Media Group იტყობინება. გამოცემის ხელმძღვანელობა აცხადებს, რომ ტაბლოიდურ სტილზე გადასვლა კომპანიებს თანხებს დააზოგინებს. ამჟამად გაზეთები ე.წ. „ბერლინელის“ ფორმატით გამოდის. A3 ფორნატზე გადასვლის შემდეგ კი კომპანიას საშუალება მიეცემა მანჩესტერსა და ლონდონში ტიპოგრაფიები დახუროს. გაზეთები აუტორსინგზე დასაბეჭდად კომპანია Trinity Mirror-ს გადაეცემა, რომელიც ტაბლოიდ Sunday-ს, Mirror-ის და People-ს მფლობელია. Guardian Media Group საკუთარი სარეკლამო ბიზნესის რესტრუქტურიზაციას აპირებს.
