უნგრეთის პარლამენტმა მხარი დაუჭირა კანონპროექტს, რომელიც უცხოეთიდან დაფინანსებულ არასამთავრობო ორგანიზაციებზე კონტროლის გამკაცრებას ითვალისწინებს. დოკუმენტს მხარი 130 დეპუტატმა დაუჭირა, წინააღმდეგ ხმა 44 კანონმდებელმა მისცა, 24 კი თავი შეიკავა. ახალი კანონმდებლობით, არასამთავრობო ორგანიზაციები, რომლებიც წელიწადში 24 ათას ევროზე მეტ თანხას საზღვარგარეთიდან იღებენ, უცხოელ აგენტებად უნდა დარეგისტრირდნენ და დაფინანსების შესახებ ყოველწლიური ანგარიში უნდა წარმოადგინონ. წინააღმდეგ შემთხვევაში მათ დახურვა ელით.
