რუსეთში რუსეთის დღეს გამართულ საპროტესტო აქციებზე ათასზე მეტი ადამიანი დააკავეს. ყველაზე მასობრივი დაკავებები მოსკოვსა და პეტერბურგში განხორციელდა, სადაც მომიტინგეებმა მერიის მიერ შეთავაზებულ ტერიტორიებზე აქციების გამართვაზე უარი თქვეს. მოსკოვში ისინი ნაცვლად სახაროვის პროსპექტისა, ტვერის მოედანზე შეიკრიბნენ, რისკენაც მათ ანტიკორუფციული აქციის ორგანიზატორმა ალექსეი ნავალნიმ მოუწოდა. თავად ნავალნი საკუთარი სახლის სადარბაზოში დააკავეს. დაკავებებით დასრულდა აქციები სოჭში, ყაზანში, ნორილსკში, აბაკანსა და ვლადივასტოკშიც.