წყნეთი-ახალდაბის გზაზე საავტომობილო მოძრაობა აღდგენილია, თუმცა მოძრაობის სპეციალური რეჟიმი მოქმედებს.
გარემოს ეროვნული სააგენტოს ინფორმაციით, ადგილზე საპატრულო პოლიციის წარმომადგენლები რჩებიან.
წყნეთი-ახალდაბის გზაზე ავტომობილების მოძრაობა 10 ივნისს, ძლიერი წვიმის შემდეგ აიკრძალა.
გზებზე ნაშალი მასა ჩამოწვა, რაც გაწმენდით სამუშაოებს საჭიროებდა. ადგილზე გეოლოგები იმყოფებოდნენ და სპეციალური სამსახურები მუშაობდნენ .
