გუშინ, ღამით ძლიერი წვიმის გამო, საგანგებო სიტუაციების მართვის სააგენტოში გამოძახებების რაოდენობა გაიზარდა.
სააგენტოს ცნობით, რეგიონებიდან 437 შეტყობინება დაფიქსირდა, ხოლო თბილისიდან 401 ზარი იყო შესული საგანგებო სიტუაციების სამსახურში.
მათივე ცნობით, პრობლემები ძირითადად დატბორვას ეხებოდა.
აღსანიშნავია, რომ მაშველები მთელი ღამის განმავლობაში ამოტუმბვით სამუშაოებს აწარმოებდნენ.
ამასთანავე, 10 ივნისს მოსული უხვი ნალექის გამო თბილისის გარდა, დაზარალდა შიდა ქართლისა და სამცხე-ჯავახეთის რეგიონები - დაიტბორა სარდაფები, საცხოვრებელი სახლების ეზოები, ასევე სასოფლო-სამეურნეო სავარგულები.
