ქედაში, სოფელ პირველ მაისში, ბათუმი-ხულოს ცენტრალური ავტომაგისტრალიდან მსუბუქი ავტომანქანა მდინარეში გადავარდა. შემთხვევის შედეგად სამი ადამიანი დაშავდა, მათ შორის ერთი მცირეწლოვანი ბავშვია.
შემთხვევის ადგილზე სასწრაფო და სამაშველო ბრიგადები მივიდნენ და დაშავებულების მდინარიდან დროულად ამოყვანა მოახერხეს. ამჟამად ყველა მათგანი საავადმყოფოშია, მდგომარეობა სტაბილურია და მათ სიცოცხლეს საფრთხე არ ემუქრება.
შსს-ს ინფორმაციით, მომხდართან დაკავშირებით გამოძიება დაწყებულია სისიხლის სამართლის კოდექსის 276-ე მუხლით, რაც ტრანპორტის მოძრაობისა და ექსპლუატაციის წესების დარღვევას გულისხმობს.
