"რუსთავი 2"-ის ფუნქციონირება მნიშვნელოვანია ქვეყნისთვის, ისევე, როგორც ყველა სხვა არხის, - ამის შესახებ საქართველოს პრეზიდენტმა გიორგი მარგველაშვილმა ტელეკომპანია ”პირველის” ეთერში განაცხადა.
პრეზიდენტის განცხადებით, ქართული მედიასივრცე არის ქვეყნის მეოთხე ხელისუფლება.
"ქართული მედიასივრცე არის რეალურად ქვეყნის მეოთხე ხელისუფლება, თქვენ ქმნით პოლიტიკურ ამინდს, იძლევით შეფასებებს და აყალიბებთ იმას, რაზეც ჩვენ ვმუშაობთ. თქვენ ქმნით პოლიტიკურ ამინდს სახელმწიფოში. მინდა დავადასტურო, რომ ”რუსთავი 2”-ის ფუნქციონირება მნიშვნელოვანია ქვეყნისთვის, ისევე, როგორც ყველა სხვა არხის. სხვა ინფორმაცია არ მაქვს”, - აღნიშნა გიორგი მარგველაშვილმა.
