დიდუბის რაიონში, დიღმის მასივის მე-3 კვარტლის, მე-11, მე-12 კორპუსებთან და ბელიაშვილის ქუჩის N40-ში სპორტული მოედნების რეაბილიტაცია დასრულდა.
სამუშაოების ფარგლებში, განხორციელდა არსებული ამორტიზებული ხელოვნური საფარის დემონტაჟი, დაისხა ბეტონი, მოეწყო კომბინირებული ხელოვნური საფარი, ტერიტორია შემოიღობა მავთულბადით, ხოლო დაზიანებული ინვენტარი ახლით შეიცვალა.
სარეაბილიტაციო სამუშაოები ტენდერში გამარჯვებულმა კომპანიამ შ.პ.ს „ჯორჯიან ინვესტმა“ შეასრულა, რომლის ღირებულებამ 35 960 ლარი შეადგინა.
