ვადამდელი არჩევნების შედეგებმა ასახვა ბრიტანეთის ეროვნულ ვალუტაზეც ჰპოვა. ეგზიტპოლების გამოცხადებისთანავე, გირვანქა სტერლინგი ამერიკულ დოლართან მიმართებაში დაეცა. თუ გასული კვირის განმავლობაში 1 გირვანქა დოლარი და 30 ცენტრი ღირდა, დღეს მისი ღირებულება დოლარი და 27 ცენტია.
ბრიტანეთში რიგგარეშე საპარლამენტო არჩევნები კონსერვატორების გამარჯვებით დასრულდა, თუმცა მმართველმა პარტიამ აბსოლუტური უმრავლესობის მოპოვება ვერ შეძლო. კონსერვატორებმა 650 ადგილიდან 314 ის მოპოვება შეძლეს. მეორე ადგილზე 261 ხმით, ლეიბორისტები გავიდნენ. მომავალ საკანონმდებლო ორგანოში 34 მანდატით შევლენ შოტნალდიელი ნაციონალისტები, ლიბერალ-დემოკრატებს კი 13 მანდატი ექნებათ.
