ბათუმში, ძმები ნობელების მუზეუმს შუშის ორსართულიან კონსტრუქციას მიაშენებენ. როგორც აჭარის ტელევიზია იუწყება, ძეგლის სტატუსის მქონე შენობის იერსახის ცვლილებამ აზრთა სხვადასხვაობა გამოიწვია სპეციალისტებში.
კულტურული მემკვიდრეობის დაცვის სააგენტო და მუზეუმის ადმინისტრაცია, ასევე საბჭოს წევრები დადებით მხარეებზე საუბრობენ, ხელოვნებათმცდონე ოლიკო ჟღენტი კი ფიქრობს, რომ ამ მშენებლობით ძეგლის ავთენტურობა დაირღვევა.
დამატებით სივრცეში მუზეუმის ფონდი და კაფე განთავსდება. კონსტრუქციის მშენებლობა რამდენიმე თვეში დაიწყება.
