უკრაინის უმაღლესი რადის მიერ მიღებულ გადაწყვეტილებას, რომლის მიხედვითაც ქვეყნის ერთ-ერთ ძირითად პრიორიტეტად ნატოში გაწევრიანება გამოცხადდა, ოფიციალური მოსკოვი გამოეხმაურა. საგანგებო განცხადება კრემლის პრეს-მდივანმა დიმიტრი პესკოვმა გააკეთა.
„უკრაინის ჩრდილოატლანტიკური მისწრაფებები საფრთხეს უქმნის ძალთა ბალანსს რეგიონში და რუსეთის ინტერესების წინააღმდეგ არის მიმართული. რუსეთი საკუთარი ინტერესების დასაცავად და ვითარების დასაბალანსებლად ყველა ზომას მიიღებს,“-აღნიშნა პესკოვმა.
