მთავრობის ადმინისტრაციასთან დღეს, 11:00 საათზე, დემირელის კოლეჯის ხარისხის მართვის მენეჯერის, მუსტაფა ემრე ჩაბუქის მხარდასაჭერად, აქცია გაიმართება.
როგორც ორგანიზატორი არასამთავრობო ორგანიზაციები აცხადებენ, აქციის მიზანია, კიდევ ერთხელ მოუწოდონ სახელმწიფოს, არ გადასცეს მუსტაფა ჩაბუქი თურქეთის მთავრობას, სადაც იგი შესაძლოა, პოლიტიკური დევნის მსხვერპლი გახდეს და მას მიეცეს სამართლიან მართლმსაჯულებაზე ხელმისაწვდომობის შესაძლებლობა.
დღევანდელ ღონისძიებაში ასევე ჩაერთვებიან ჩაბუქის ოჯახის წევრები, მეგობრები, კოლეგები და პედაგოგები საქართველოს სხვადასხვა ქალაქიდან და ერთხმად მიმართავენ მთავრობას მოხდეს საქმის ქართული მხარის მიერ გამოძიება და მიეცეს საქართველოში მოღვაწე პედაგოგსა და მის ოჯახს იმის საშუალება, რომ ლტოლვილის სტატუსით ისარგებლონ.
დემირელის კოლეჯის მენეჯერი მუსტაფა ემრე ჩაბუქი 24 მაისს, თურქეთის მთავრობის მოთხოვნით დააკავეს. თურქული მხარე მას ტერორისტულ ორგანიზაციასთან თანამშრომლობას ედავება
აქციის ორგანიზატორები არიან : ადამიანის უფლებების სწავლებისა და მონიტორინგის ცენტრი (EMC); საერთაშორისო გამჭირვალობა საქართველო (TI); საქართველოს ახალგაზრდა იურისტთა ასოციაცია (GYLA); საქართველოს დემოკრატიული ინიციატივა (GDI); თბილისის ადამაინის უფლებათა სახლი (HRHT); მედიის განვითარების ფონდი (MDF); ადამიანის უფლებათა ცენტრი; სამართლიანი არჩევნებისა და დემოკრატიის საერთაშორისო საზოგადოება (ISFED); ტოლერანტობისა და მრავალფეროვნების ინსტიტუტი (TDI). კონსტიტუციის 42-ე მუხლი. აქციაში მონაწილეობას მიიღებენ მუსტაფა ემრე ჩაბუქის მეგობრები და ოჯახის წევრები, დემირელის პარტნიორი სკოლები და შავი ზღვის საერთაშორისო უნივესიტეტი.
