საქართველოს კონკურენციის სააგენტოს ორგანიზებით, ევროკავშირის მიერ დაფინანსებული პროექტის “საქართველოს კონკურენციის სააგენტოს მხარდაჭერა” ფარგლებში, 6 ივნისს სახელმწიფო შესყიდვების სააგენტოს შენობაში, რიგით მესამე სემინარი „კონკურენცია სახელმწიფო შესყიდვებში – ტენდერებში შეთანხმებული მონაწილეობის შემთხვევების დადგენა“ იმართება.
სემინარი საქართველოს კონკურენციის სააგენტოს თავმჯდომარე, ნოდარ ხადურმა და სახელმწიფო შესყიდვების სააგენტოს თავმჯდომარის მოადგილე, კახა დემეტრაშვილმა გახსნეს.
სესიას პროფესორი იოანეს კოკორისი და ლიტვის კონკურენციის საბჭოს თავმჯდომარე, შარუნას კესერაუსკასი ხელმძღვანელობენ, რომელსაც კონკურენციის და სახელმწიფო შესყიდვების საგენტოების თანამშრომლები ესწრებიან. შეხვედრაზე შემდეგ საკითხებს მიმოიხილავენ:
- სახელმწიფო შესყიდვები და ტენდერებში შეთანხმებული მოქმედებების სახეები;
- ტენდერებში შეთანხმებული მონაწილეობის ინდიკატორები და პრაქტიკული მაგალითები;
პროექტის ფარგლებში, 2, 5 და 6 ივნისსს, როგორც სახელმწიფო უწყებების წარმოდგენლების, ასევე სააგეტოს თანამშრომლებისათვის თემატური შეხვედრები განხორციელდა, რომელსაც კონკურენციის სააგენტოს თავმჯდომარე, ნოდარ ხადური, კონკურენციის სამართლისა და ეკონომიკის დარგში წამყვანი ექსპერტები: ფრანსუა სუტი, აურელიო ლა ტორე და დიანა მარკოვიჩ-ბაიალოვიჩი ხელმძღვანელობდნენ. განსახილველი საკითხები მოიცავდა შემდეგ თემებს:
- კონკურენციის კანონმდებლობა ევროკავშირსა და საქართველოში
- ბაზრის სტრუქტურის ეკონომიკური ანალიზი
პროექტის მიზანია, DCFTA-ის დებულებების შესაბამისად, ევროკავშირის საუკეთესო გამოცდილებაზე დაყრდნობით, ქვეყნის ინსტიტუციონალური განვითარება, გაძლიერება, ეკონომიკური წინსვლისა და მომხმარებელთა კეთილდღეობის ხელშეწყობა.
