„თბილსრესში“ მესამე ენერგობლოკზე მიმდინარე წლის 25 მაისს მომხდარი ავარიის დროს დაშავებული ერთ-ერთი მუშა გარდაიცვალა.
დაშავებულ მუშებს სხეულის 80-პროცენტიანი დამწვრობა ჰქონდათ მიღებული და მძიმე მდგომარეობაში გარდაბნის კლინიკა „ჯეო ჰოსპიტალში“ იყვნენ მოთავსებულნი.
"საზოგადოებრივი მაუწყებლის" ინფორმაციით, მეორე მუშის მდგომარეობა კი ისევ მძიმეა. ის ამ დროისთვის მკურნალობას დამწვრობის ცენტრში გადის.
ცნობისთვის, შინაგან საქმეთა სამინისტრომ მომხდარზე გამოძიება უკვე დაიწყო. როგორც უწყებაში განაცხადეს, გამოძიება სისხლის სამართლის კოდექსის 170-ე მუხლის პირველი ნაწილით მიმდინარეობს, რაც შრომის დაცვის წესის დარღვევას გულისხმობს.
