„აზერბაიჯანის ავიახაზებმა“ (AZAL) საკუთარი შვილობილი „ლოუკოსტერის“ Buta Airways-ის ვიზუალი და შეფერილობა წარმოადგინა, რომელიც ოპერირებას შემოდგომიდან შეუდგება. როგორც მოსალოდნელი იყო „ლოუკოსტერის“ ლოგო ეროვნულ მოტივებზეა შედგენილი.

Buta Airways-ის ლოგი მოიცავს  მითოლოგიურ ფრინველ სიმურგს, რომელიც აზერბაიჯანული ორნამეტებითაა გაწყობილი.

ავიაკომპანიის წარწერა შესრულებულია ლურჯ ფერებში, ისე როგორც ეს AZAL-ის შემთხვევაშია.

უკვე ცნობილია, რომ Buta Airways-ი რეისევბს ბრაზილიური წარმოშობის Embraer-ით განახორციელებს. Buta Airways-ი მიიღებს იმ სატრანსპორტო საშუალებებს, რომელიც ავიაკომპანია AZAL-ის ბალანსზეა. (ერთი Embraer Е170LR დაოთხი Embraer Е190).

როგორც ირკვევა, AZAL-ის მენეჯმენტი ამ დროისათვის Buta Airways-ის საფასო პოლიტიკის შედგენითაა დაკავებული, ასევე მუშავდება ის მიმართულებები, რომელზედაც Buta Airways-ი იფრენს. უახლოეს პერიოდში გაეშვება ასევე „ლოუკოსტერის“  ვებგვერდიც, სადაც ბილეთების დაჯავშნა/შეძენა იქნენა შესაძლებელი.

Buta Airways-ი ბაქოს ჰეიდარ ალიევის სახელობის აეროპორტში იქნება ბაზირებული.