ბათუმის საერთაშორისო აეროპორტში ყოველ 571 მგზავრზე მოგვიანებით მიწოდებული 1 ბარგი მოდის. თბილისისა და ბათუმის საერთაშორისო აეროპორტების ოპერატორი კომპანია „ტავ ჯორჯიას“ ინფორმაციით, 2016 წელს ბათუმის საერთაშორისო აეროპორტში მოგვიანებით მიწოდებული ბარგის რაოდენობამ 542 ერთეული შეადგინა, 2015 წელს - 764 ერთეული, ხოლო 2014 წელს კი 875 ერთეული მოგვიანებით მიწოდებული ბარგი დაფიქსირდა.
სამოქალაქო ავიაციის სააგენტოს მონაცემებით კი 2016 წელს ბათუმის საერთაშორისო აეროპორტმა 312 ათას 343 მგზავრი მიიღო, რაც იმას ნიშნავს, რომ 2016 წელს ბათუმის საერთაშორისო აეროპორტის 576 მგზავრზე მოგვიანებით მიწოდებული 1 ბარგი დაფიქსირდა.
2015 წლის მონაცემებით, ბათუმის აეროპორტში მგზავრთნაკადმა 226,476 მგზავრი შეადგინა. შესაბამისად ყოველ 296 მგზავრზე დაგვიანებულად მიწოდებული 1 ბარგი მოდის.
„ტავ ჯორჯიასა“ და სამოქალაქო ავიაციის სააგენტოს მონაცემების დამუშავების საფუძველზე ირკვევა, რომ 2016 წელს 2015 წელთან შედარებით მგზავრთა რაოდენობა 38%-ით გაიზარდა, 2014 წელთან შედარებით კი 46%-ით. რაც შეეხება დაგვიანებით მიწოდებული ბარგის რაოდენობას 2016 წელს 2015 წელთან შედარებით მგზავრთა რაოდენობაზე გათვლით თითქმის გაორმაგებულია, 2014 წელთან შედარებით კი 136%-ით არის გაზრდილი.
დაგვიანებით მიწოდებული ბარგის რაოდენობა 2016 წელს 2015 წელთან შედარებით 29%-ით არის შემცირებული, 2014 წელთან შედარებით კი 38%-ით.
„როგორც მოგეხსენერბათ, საერთაშორისო საავიაციო წესების თარანხმად, ბოლო გადამზიდველი ავიაკომპანია იღებს სრულ პასუხისმგებლობას დაგვიანებით ჩამოსულ ბარგზე და ამით გამოწვეულ ზარალზე მგზავრის წინაშე.
აქედან გამომდინარე, ავიაკომპანიის უმეტესი რაოდენობა თვითონ უზრუნველყოფს დაგვიანებული ბარგის ადრესატამდე ტრანსპორტირებას“, აღნიშნულია „ტავ ჯორჯიადან“ მოწოდებულ ინფორმაციაში.
