მე-12 კლასელებს და აბიტურიენტებს, ვინც გამოცდაზე ჩაიჭრებიან, შესაძლოა, მეორე გამოცდის ჩაბარების შანსი მიეცეთ, აღნიშნული ინიციატივა პარლამენტის განათლების კომიტეტის თავმჯდომარე მარიამ ჯაშმა კონფერენციაზე - "სახელმწიფო და საერთაშორისო შეფასება: სასკოლო განათლების ძირითადი გამოწვევები" გამოთქვა.
მისი თქმით, მეორე შანსი უნდა მიეცეთ იმ მოზარდებს, ვინც ემოციური ფონის, ტექნიკური ხარვეზებისა თუ გაუმართაობის გამო, გამოცდებზე ჩაიჭრა.
მარიამ ჯაშის ინიციატივას უპასუხა განათლების მინისტრმა, ალექსანდრე ჯეჯელავამ. მისი თქმით, ამ ინიციატივას სამინისტრო სამომავლოდ აუცილებლად განიხილავს.
მისივე თქმით, განათლების კომიტეტის თავმჯდომარემ ხაზი გაუსვა იმას, რომ ემოციური ფონის ან ტექნიკური გაუმართაობის გამო პრობლემები იქმნება.
როგორც მინისტრმა აღნიშნა, არსებობს სურვილი, რომ მიდგომა გახდეს ჰუმანური და ვინც ამ პრობლემებს წააწყდება, ჰქონდეს გამოცდების ჩაბარების მეორე შანსი.
