ოდესის ყოფილ გუბერნატორს, მიხეილ სააკაშვილს უკრაინაში ხელისუფლების შეცვლა სურს. ამის შესახებ მან კიევში „ჩარკასიობლენერგოს“ თანამშრომლებთან შეხვედრისას განაცხადა, რომლებიც სამუშაო პირობების გაუმჯობესებას და ხელფასების გაზრდას ითხოვენ.
„მე მინდა ამ ადამიანებს დავეხმარო. როგორ? მხოლოდ ერთიანი გუნდით, საპარლამენტო უმრავლესობით, ახალი მთავრობითა და ხალხით. ჩვენ ხელისუფლებას მმართველი პოლიტიკური კლასი უნდა ჩამოვაშოროთ. ეს ბრძოლა პოროშენკოსთვის ცუდად დამთავრდება,“-აღნიშნა სააკაშვილმა.
