ქაბულში მომხდარ ტერორისტულ აქტზე პასუხისმგებლობა ისლამურმა სახელმწიფომ აიღო. ამის შესახებ ადგილობრივი ტელეკომპანია ტი-ვი 1 იტყობინება. მასშტაბური ტერორისტული აქტი დღეს დილით ავღანეთის დედაქალაქის დიპლომატიურ კვარტალში, გერმანიის საელჩოს სიახლოვეს განხორციელდა. წინასწარი ვერსიით, ბომბი წყლის ცისტერნაში იყო ჩამონტაჟებული. აფეთქებას 80-ზე მეტი ადამიანი ემსხვერპლა, დაშავებულთა რაოდენობა კი 300-ს აღემატება. დაშავებულთა შორის იაპონიისა და გერმანიის საელჩოს თანამშრომლები და ბიბისის ჟურნალისტებიც არიან. ტერაქტის შედეგად დაიღუპა ბიბისის გადამღები ჯფგუფის მძღოლიც.
