ირლანდიური ავიაკომპანია Ryanair-ი ავიაბილეთებზე ფასების შემცირებაზე აცხადებს. „ლოუკოსტერის“ ინფორმაციით, 2018 წლისთვის ავიაბილეთებზე ფასების კლება 5%-დან 7%-ის ფარგლებში იქნება, რაც თავის მხრივ ბრიტანული ფუნტი სტერლინგის გაიაფებას უკავშირდება. ეს უკანასკნელი კი ევროკავშირიდან დიდი ბრიტანეთის გასვლის დაწყებამ განაპირობა.
როგორც ირკვევა, მიმდინარე ფინანსურ წელს ავიაკომპანიის ბილეთების ფასი 13%-მდე უკვე შემცირდა.
ავიაბილეთების ფასის კლების ფონზე „ლოუკოსტერმა“ მოგების ზრდაზეც განაცხადა, საუბარია 1,32 მლრდ ევროზე.
იმავდროულად Ryanair-ი მიიჩნევს, რომ Brexit-ი და ტერორისტული თავდასხმები რისკფატორად ისევ რჩება.
მიმდინარე წელს Ryanair-ის აქციების ფასი 20%-ით გაიზარდა.
Ryanair-ი, რომელიც ყოველდღიურად 33 ქვეყანაში 1800 რეისს ასრულებს, ავიაბილეთების ფასის კლებას ევროპულ ავიაკომპანიებთან დიდ კონკურენციასაც უკავშირებს.
