„როსაერონავიგაციამ“ 15 საერთაშორისო მიმართულებაზე ლიცენზია უკან გამოიწვია. საუბარია რუსეთიდან
Ural Airlines-ის მიერ საქართველოს, ბალერუსის, ირანის, სომხეთისა და შუა აზიის ქვეყნების მიმართულებით დაგეგმილ ფრენებზე.
„ავიაკომპანიამ გადახედა საკუთარ პორტფელს, რომელიც გულისხმობდა სამარშრუტო ხაზების სრულყოფას.
ეს ნაბიჯი არ დააზიანებს ავიაკომპანიის ეფექტურ მუშაობას და მგზავრთნაკადის მოცულობას“, აცხადებენ Ural Airlines-ის პრესსამსახურში.
როგორც რუსული მედია წერს, საქართველოს მიმართულებით გაუქმებულია Ural Airlines-ის რეისები ნოვისიბირსკიდან ქუთაისისა და ბათუმის მიმართულებით.
საქართველოს სამოქალაქო ავიაციის სააგენტოში კი განმარტავენ, რომ აღნიშნულ მიმართულებებზე მათ მიერ ნებართვები გაცემული არ ყოფილა.
„საჰაერო ხაზებზე დანიშვნის წერილები რუსეთის მხარისგან მივიღეთ, თუმცა ავიაკომპანიას ფრენის ნებართვის მიღების მიზნით არ მოუმართავს“, - აცხადებენ სააგენტოში.
