ბათუმში, ბარცხანის დასახლებაში ქუჩების კეთილმოწყობა აქტიურად მიმდინარეობს. ბათუმის კომუნალური ინფრასტრუქტურის რეაბილიტაციის პროექტის ფარგლებში აღნიშნულ ტერიტორიაზე უკვე დასრულდა წყლისა და წყალარინების სისტემების რეაბილიტაცია. ამ ეტაპზე დასასრულს უახლოვდება ინფრასტრუქტურული სამუშაოები ძმები ნობელების ქუჩასა და შესახვევებში. პროექტის ფარგლებში მოეწყო სანიაღვრე არხები და ჭები. კეთილმოწყობის სამუშაოები პარალელურად მიმდინარეობს კაზინეცის ქუჩაზე. ბარცხანის დასახლებაში ქუჩების რეაბილიტაცია 18 ქუჩასა და ჩიხში განხორციელდება. პროექტის ფარგლებში მოეწყობა სანიაღვრე სისტემა, ასფალტის საფარი, ბაზალტის ბორდიურები. ტროტუარებზე დაიგება დეკორატიული ფილები. აღნიშნული ქუჩების რეაბილიტაცია მიმდინარე წლის აპრილში დაიწყო და 2018 წლის ივნისამდე დასრულდება. სამუშაოების ღირებულება 4 მილიონ 484 ათას 44 ლარს შეადგენს.
