მანჩესტერში განხორციელებულ ტერორისტულ აქტს ევროკომისიის თავმჯდომარეც გამოეხმაურა. „მინდა გულწრფელი თანაგრძნობა გამოვუცხადო ბრიტანეთის პრემიერსა და ბრიტანელ ხალხს. დაღუპულებს დღეს ჩვენ თქვენთან ერთად ვგლოვობთ. ხვალ კი ჩვენ ერთმანეთის მხარდამხარ დავდგებით და საპასუხო დარტყმას მივაყენებთ მათ, ვინც ჩვენი ცხოვრების დანგრევას ცდილობს,“-აღნიშნა ჟან კლოდ იუნკერმა.
