„ისლამურ სახელმწიფოს“ მოსულიდან შტაბი გადააქვს. ამის შესახებ ერაყის არმიის სამეთაურო შტაბი იტყობინება. გავრცელებული ინფორმაციით, ისლამისტებმა ელ-ჰავიჯას პროვინციაში გადაინაცვლეს, რომელიც მოსულიდან 170 კილომეტრში მდებარეობს. რაც შეეხება მოსულს, ქალაქის გათავისუფლების ოპერაცია თითქმის დასრულებულია. ამ დროისათვის ისლამისტები დასავლეთ მოსულის უმნიშვნელო ნაწილს აკონტროლებენ.
