თურქეთში ტურისტების მიკროავტობუსი გადაბრუნდა. როგორც Hurriet Daily News-ი წერს, ინციდენტი ქვეყნის სამხრეთ-დასავლეთ ნაწილში ქალაქებს მუგლასა და დენიზლის დამაკავშირებელ გზაზე მოხდა. დაშავდა 18 ადამიანი, მსხვერპლი არ არის.
გავრცელებული ინფორმაციით, ავტობუსში უკრაინელი ტურისტები იმყოფებოდნენ. დაშავებულები საავადმყოფოში გადაიყვანეს, ავარიის მიზეზი დგინდება.
