ირანული ავიაკომპანია „Zagros Airlines“ ზრდის რეგულარული ფრენების სიხშირეს საქართველოს მიმართულებით და ზაფხულის სანავიგაციო სეზონის განმავლობაში თეირანი-თბილისი-თეირანის საჰაერო ხაზზე ფრენებს ნაცვლად 2 სიხშირისა, კვირაში 7 სიხშირით შეასრულებს. აღნიშნული მიმართულებით ყოველდღიურ მიმოსვლაზე ავიაკომპანია დღეიდან გადადის. ავიარეისები A320 და MD 80-ის ტიპის საჰაერო ხომალდებით განხორციელდება.
საქართველოს ეკონომიკისა და მდგრადი განვითარების სამინისტროს სამოქალაქო ავიაციის სააგენტოს მიერ ირანულ ავიაკომპანიას ახალი სიხშირეებით ოპერირების ნებართვა 15 მაისს მიენიჭა.
ავიაკომპანია “Zagros Airlines” საქართველოს საავიაციო ბაზარზე გასულ წელს შემოვიდა.
