2016 წელს მსოფლიოში ავიაკომპანიებისა, თუ აეროპორტების მიერ დაკარგული ბარგის მოცულობა 12,25%-ით შემცირდა. აღნიშნულ მონაცემებს კომპანია SITA ავრცელებს. სტატისტიკური მონაცემების მიხედვით, გასულ წელს ათას მგზავრზე ბარგის დაკარგვის 5,73 შემთხვევა დაფიქსირდა.
აღსანიშნავია, რომ 2007 წლის მონაცემებთან შედარებით, ათას მგზავრზე დაკარგული ბარგის შემთხვევის რაოდეობა 70%-ითაა შემცირებული.
ანალიტიკოსები ფიქრობენ, რომ ტექნოლოგიების განვითარებასთან ერთად, მომდევნო წლებში დაკარგული ბარგის მოცულობა კიდევ უფრო შემცირდება. იმავდროულად 2018 წლის 1-ელი ივნისიდან IATA-ს რეზოლუციაც შევა ძალაში, რომლის მიხედვითაც ავიაკომპანიას ბარგზე მთელი მისი გადაადგილების განმავლობაში მისი კონტროლი და მეთვალყურეობა ევალება.
