ბათუმში, ბარცხანის დასახლებაში ქუჩების კეთილმოწყობა დაიწყო. ბათუმის მერიის ინფორმაციით, სარეაბილიტაციო სამუშაოები ჯამში 18 ქუჩასა და ჩიხში ჩატარდება. პროექტის ფარგლებში სრულად კეთილმოეწყობა ბაქრაძის, აგარაკის, ნონეშვილის, კაზინეცის, ქათამაძის, შინდისის, შრომის, დიასამიძის, თამარ მეფის, ლორთქიფანიძის, ჭიჭინაძისა და ძმები ნობელების ქუჩები, მათი შესახვევები და ჩიხები. მოეწყობა სანიაღვრე სისტემა, ასფალტის საფარი, ბაზალტის ბორდიურები, ტროტუარებზე დაიგება ორშრიანი დეკორატიული ფილები.
აღნიშნული ქუჩების რეაბილიტაცია მიმდინარე წლის აპრილში დაიწყო და 2018 წლის ივნისამდე უნდა დასრულდეს.
სამუშაოების ღირებულება 4 მილიონ 484 ათას 44 ლარს შეადგენს.
