დღეს, 12 საათზე, ბათუმი ცენტრალში ახალი საინფორმაციო-ტურისტული ცენტრი გაიხსნება. რიგით მეცხრე საინფორმაციო ცენტრს რკინიგზის სადგურში აჭარის მთავრობის თავმჯდომარე ზურაბ პატარაძე და აჭარის ტურიზმის დეპარტამენტის თავმჯდომარე სულხან ღლონტი გახსნის.
ახალ საინფორმაციო ცენტრში რკინიგზის მგზავრებსა და რეგიონის სტუმრებს აჭარის ტურისტული პოტენციალის შესახებ ამომწურავი ინფორმაციის მიღება შეეძლებათ. იქვე იქნება შესაძლებელი აჭარაში დამზადებული ადგილობრივი სუვენირების, პროდუქტებისა და მაღალმთიანი აჭარის მიმართულებით კონკრეტული ტურების შეძენაც.
