ქართული ციტრუსის ექსპორტს უკრაინელი დიპლომატიც დაეხმარება. აჭარის სავაჭრო-სამრეწველო პალატის ინფორმაციით, უკრაინის საგანგებო და სრულუფლებიანი ელჩი საქართველოში იგორ დოლგოვი
დღეს აჭარაში მომუშავე ბიზნესმენებს შეხვდა. შეხვედრას ძირითადად ციტრუსის ექსპორტიორი კომპანიების წარმომადგენლები, ტურიზმის სფეროში მომუშავე ბიზნესმენები, უკრაინული რესტორანისა და ბათუმის პორტის ხელმძღავნელები ესწრებოდნენ.
შეხვედრაზე საუბარი შეეხო უკრაინაში ციტრუსის ექსპორტთან დაკავშირებულ პრობლემებს და ტურიზმის სფეროში ორ ქვეყანას შორის თანამშრომლობას.
ელჩმა ქართველ ექსპორტიორების უკრაინაში ციტრუსის ექსპორტირების საკითხში დახმარება აღუთქვა. გადაწყდა, რომ უკრაინის საგანგებო და სრულუფლებიან ელჩთან შეხვედრა რეგულარულ ხასიათს მიიღებს და ეტაპობრივად გადაწყდება ყველა ის პრობლემა, რომელიც ქართველი ბიზნესმენების უკრაინაში ოპერირებას უკავშირდება.
