რუსეთის მხრიდან თურქეთის სოფლის მეურნეობის პროდუქტებზე შეზღუდვების მოხსნამ თურქ ფერმერებს იმედები ჩაუსახა და სამომავლოდ წარმოების ზრდაზე დაიწყეს ფიქრი. პროვინცია აიდანის სულთანხისარის რაიონში მარწყვის მწარმოებლები რუსეთის ბაზარს იმედით უყურებენ. სულთანხისარი, რომელიც თურქეთში მაწყვის წარმოების მხრივ მეორე ცენტრად ითვლება, მარწყვის პლანტაციებს 1100 ჰა უკავია.
აქ მცხოვრებთათვის მარწყვი შემოსავლის მთავარი წყაროა. სულთანხისარში ფერმერებს 65 ათას ტონაზე მეტი მარწყვი მოყავთ და მისი მაღალი ხარისხის გამო ის ძირითადად საექსპორტო ბაზრებზეა მოთხოვნადი.
„თურქეთი რუსეთში 600 ტონა მარწყვის ექსპორტს ახორციელებდა, თუმცა ბოლო დროს მიწოდება საგრძნობლად შემცირებულია. ცხადია ჩვენ ახალი ბაზრების მოძიება დავიწყეთ, მაგრამ ის ისეთი მომგებიანი არ არის, როგორც რუსეთის ბაზარი. ამ პერიოდში მარწვი ძირითადად რუმინეთში გავიტანეთ, სადაც ფერმერებს მოსავალი გაუფუჭდათ. წელს კი ეს ქვეყანა თავად აწამოებს მას და ჩვენი იმედები რუსეთის ბაზრის გახსნას უკავშირდება“, აცხადებს სულთანხისარის სოფლის მეურნეობის პროდუქტების წარმოების პალატის ხელმძღვანელი ბილალ ტახრანი.
