სამწუხაროდ, რუსეთის ფედერაციის ამ განცხადებით ვხედავთ იგივეს, რომ რუსეთი დაშორებულია საერთაშორისო საზოგადოების პოზიციას, საერთაშორისო სამართალს, ნორმებს და პრინციპებს, - ასე გამოეხმაურა საქართველოს საგარეო საქმეთა მინისტრი მიხეილ ჯანელიძე რუსეთის ფედერაციის ჟენევის მოლაპარაკების საკითხზე გაკეთებულ განცხადებას, რომელშიც რუსეთის საგარეო საქმეთა სამინისტრო აცხადებს, რომ "გვიწევს სერიოზულად დავფიქრდეთ არსებული ფორმატით ჟენევის შეხვედრების გაგრძელებაზე".
როგორც მინისტრმა აღნიშნა, საქართველო აგრძელებს საერთაშორისო სამართლის და პრინციპების შესაბამისად კონფლიქტის მშვიდობიან დარეგულირების პროცესს.
"სამწუხაროდ, რუსეთის ფედერაციის ამ განცხადებით ვხედავთ იგივეს, რომ რუსეთი დაშორებულია საერთაშორისო საზოგადოების პოზიციას, საერთაშორისო სამართალს, ნორმებს და პრინციპებს. საქართველო აგრძელებს საერთაშორისო სამართლის და პრინციპების შესაბამისად კონფლიქტის მშვიდობიან დარეგულირების პროცესს. ჩვენი მონაწილეობაც ჟენევის პროცეში ემსახურება კონსტრუქციულ მიდგომებს და საერთაშორისო სამართლის და ნორმების შესაბამისად კონფლიქტის დარეგულირებას”, - განაცხადა მიხეილ ჯანელიძემ.
