სისტემა, რომელიც საკონსტიტუციო ცვლილებებით ინერგება, გამორიცხავს ყოველგვარ ჭარბ კონცენტრაციას ძალაუფლებისა, ერთი პოლიტიკური პარტიის ხელში, - ამის შესახებ პარლამენტის თავმჯდომარე, ირაკლი კობახიძემ ამბროლაურში საკონსტიტუციო ცვლილებების საყოველთაო სახალხო განხილვის დაწყებამდე ჟურნალისტებს განუცხადა.
პარლამენტის თავმჯდომარის განცხადებით, პროპორციულ სისტემაზე გადასვლა რამდენიმე ასპექტით ხდება, რომელიც უზრუნველყოფს გარკვეული დოზით სტაბილურობის შედარებით მაღალ ხარისხს.
"საარჩევნო სისტემის კუთხით ფუნდამენტური ცვლილება ხორციელდება. ეს არის პროპორციულ სისტემაზე გადასვლა და ამ სისტემაზე ჩვენ გადავდივართ რამდენიმე ელემენტით, რამდენიმე ასპექტით, რომელიც უზრუნველყოფს გარკვეული დოზით სტაბილურობის შედარებით მაღალ ხარისხს. ეს არის ამოცანა. აქ არ არის საუბარი ჭარბ უმრავლესობაზე და ძალაუფლების ჭარბ კონცენტრაციაზე. პირიქით, ეს სისტემა, რომელიც საკონსტიტუციო ცვლილებებით ინერგება, გამორიცხავს ყოველგვარ ჭარბ კონცენტრაციას ძალაუფლებისა, ერთი პოლიტიკური პარტიის ხელში. ეს არის მთავარი არსი ამ ცვლილების”, - განაცხადა ირაკლი კობახიძემ.
