ბათუმში, ტურისტულ სეზონთან დაკავშირებით, მაისიდან ოქტომბრის ჩათვლით, სადეზინსექციო და სადერატიზაციო სამუშაოები განხორციელდება.
ბათუმის მერიის ინფორმაციით, მწერებისა და მღრღნელების გასაუვნებელყოფად იტალიური ეზოებისა და მრავალბინიანი სახლების სარდაფები და ნაგავშემკრები კონტეინერები სამუშაოები, თვეში ორჯერ, სპეციალური ხსნარით შეიწამლება.
პროგრამით გათვალისწინებულია ქალაქის ტერიტორიის დერატიზაცია - ლიფტებისა და სარდაფების მღრღნელების საწინააღმდეგო სითხით დაწამლვა.
აღნიშნულ ღონისძიებებზე ყოველდღიურად 4 ჯგუფი იმუშავებს, რომლებიც გამოყოფილი უბნების მიხედვით აწარმოებენ სადეზინსექციო და სადერატიზაციო სამუშაოებს.
საჭიროების შემთხვევაში კი, შესაძლებელია 1 მორიგე ჯგუფის დამატება.
პროგრამას მერიის სანიტარიული ზედამხედველობის განყოფილება ახორციელებს, პროგრამით გათვალისწინებულ მომსახურებას კი ტენდერში გამარჯვებული შპს ,,სანდასუფთავება“ ასრულებს. სამუშაოებისთვის ბიუჯეტიდან 303 ათას 190 ლარია გამოყოფილი.
