საქართველოს ავიაბაზრით Air Wings of Lebanon-ი, ANDA და WindRose არიან დაინტერესებულნი. როგორც სამოქალაქო ავიაციის სააგენტოში განმარტავენ, აღნიშნულ ავიაკომპანიებთან მოლაპარაკებები უკვე მიმდინარეობს.
„საქართველოს ეკონომიკისა და მდგრადი განვითარების სამინისტროს სამოქალაქო ავიაციის სააგენტო კომპეტენციის ფარგლებში მუდმივად ახორციელებს მოლაპარაკებებს სხვადასხვა ავიაკომპანიებთან, რათა მოხდეს საქართველოს საავიაციო ბაზრის პოტენციალის მაქსიმალურად გამოყენება. ამ ეტაპზე მიმდინარეობს აქტიური კონსულტაციები შემდეგ ავიაკომპანიებთან: WindRose, ANDA და Air Wings of Lebanon. თუმცა არ გამოვრიცხავთ მიმდინარე წლის ზაფხულის სანავიგაციო სეზონის განმავლობაში საქართველოს ავიაბაზარზე სხვა ავიაკომპანიების შემოსვლასაც“, აცხადებენ სამოქალაქო ავიაციის სააგენტოში.
