„მინდა გულწრფელად მივულოცო მასმედიის წარმომადგენლებს დღევანდელი დღე - მსოფლიო პრესის თავისუფლების დღე. განსაკუთრებით კი მინდა მივულოცო ჩვენს რეგიონში მოღვაწე ჟურნალისტებსა და მასმედიის საშუალებებს” - აღნიშნა 3 მაისისათვის შექმნილ სპეციალურ ვიდეო მიმართვაში ზურაბ პატარაძემ.
„მიხარია, რომ ჩვენს რეგიონში არსებობს დიდი ისტორიის მქონე მასმედიის საშუალებები. ეს არის გაზეთი „აჭარა“, რომელიც 96 წლის განმავლობაში უწყვეტ რეჟიმში გვაწვდის ახალ ამბებს. ასევე, აჭარის ტელევიზია და რადიო, ტელეარხი 25, გაზეთი „ბათუმელები“, ინტერნეტ გამომცემლობები და სხვა საინფორმაციო საშუალებები.
მინდა ვისარგებლო შემთხვევით და კიდევ ერთხელ ყველას მოგილოცოთ დღევანდელი დღე. ასევე, მივულოცო ჩვენს რეგიონში აკრედიტირებულ ჟურნალისტებს, მინდა გისურვოთ წარმატებები ჩვენი ქვეყნის და ჩვენი რეგიონის საკეთილდღეოდ“.
ამ დღესთან დაკავშირებით სასტუმრო ,,ჰილტონში“ პრესის თავისუფლებისადმი მიძღვნილი კონფერენცია ,,მედიის როლი და საჭიროებები“ გაიმართა, რომელსაც ცენტრალური და ადგილობრივი ხელისუფლების, ქართული და საერთაშორისო, მედია და დონორი ორგანიზაციების წარმომადგენლები, სახალხო დამცველი, ჟურნალისტები ესწრებოდნენ.
