სამთვიანი პაუზის შემდეგ უკრაინულმა “DART“-მა განაახლა ოპერირება კიევი-თბილისი-კიევის საჰაერო ხაზზე. ორი ქვეყნის დედაქალაქებს შორის საჰაერო მიმოსვლა სანავიგაციო სეზონის ბოლომდე (27.10.2017), კვირაში 3 სიხშირით, ყოველ ორშაბათს, პარასკევსა და კვირას განხორციელდება. რეგულარული რეისები Airbus A320 ტიპის საჰაერო ხომალდით შესრულდება.
საქართველოს ეკონომიკისა და მდგრადი განვითარების სამინისტროს სამოქალაქო ავიაციის სააგენტოს მიერ, ავიაკომპანიას რეგულარული ფრენის განხორციელების ნებართვა 24 აპრილს მიენიჭა. პირველი ფრენა ავიაკომპანიამ 27 აპრილს შეასრულა.
ავიაკომპანია „DART“-მა საქართველოს მიმართულებით ოპერირება 2016 წლის ბოლოს დაიწყო (2 სიხშირე კვირაში) და 2016-2017 წლების ზამთრის სანავიგაციო სეზონზე 8 ფრენა შეასრულა.
