აჭარის ავტონომიური რესპუბლიკის რესპუბლიკური ბიუჯეტის შემოსულობების 2016 წლის დაზუსტებული გეგმა 215 465,0 ათასი ლარით განისაზღვრა, ხოლო ფაქტიურმა შესრულებამ 220 921,0 ათასი ლარი შეადგინა, რაც გეგმის 102,5 პროცენტია.
2015 წლის ანალოგიურ მაჩვენებელთან (199 370,6 ათასი ლარი) შედარებით შემოსულობების ფაქტიური შესრულება გაზრდილია 21 550,4 ათასი ლარით, ანუ 10,8 პროცენტით.
როგორც აჭარის ფინანსთა და ეკონომიკის სამინისტროში განმარტავენ, რესპუბლიკური ბიუჯეტის 2016 წლის შემოსავლების გეგმა 196 775,0 ათასი ლარით განისაზღვრა, ხოლო ფაქტიურმა შესრულებამ 202 441,5 ათასი ლარი შეადგინა, ანუ გეგმა შესრულებულია 102,9 პროცენტით. წინა წლის ანალოგიურ მაჩვენებელთან (182 819,6 ათასი ლარი) შედარებით შემოსავლების ფაქტიური შესრულება გაზრდილია 19 621,9 ათასი ლარით, ანუ 10,7 პროცენტით.
სტატისტიკური ინფორმაციის მიხედვით, რესპუბლიკური ბიუჯეტის 2016 წლის შემოსავლების უდიდესი ნაწილი, საერთო შემოსავლების 92 პროცენტი მოდის გადასახადებზე, რომელიც მოიცავს მხოლოდ საშემოსავლო გადასახადს. საანგარიშგებო პერიოდის საშემოსავლო გადასახადის გეგმა განისაზღვრა 180 000,0 ათასი ლარით, ხოლო ფაქტიურმა შესრულებამ შეადგინა 185 370,9 ათასი ლარი, ანუ გეგმის 103,0 პროცენტი.
საანგარიშო პერიოდის საშემოსავლო გადასახადი 2015 წლის შესაბამის მაჩვენებელთან შედარებით, რომელიც შეადგენდა 167 384,7 ათას ლარს, გაზრდილია 17 986,2 ათასი ლარით, ანუ 10,7 პროცენტით.
ასევე, 2016 წლის გრანტების გეგმა განისაზღვრა 500,0 ათასი ლარით. საქართველოს მთავრობის 2016 წლის 24 ნოემბრის #2468 განკარგულებით „საქართველოს მთავრობის სარეზერვო ფონდიდან აჭარის ავტონომიური რესპუბლიკისათვის თანხის გამოყოფის შესახებ საქართველოს მთავრობის 2016 წლის 17 ნოემბრის #2438 განკარგულებაში ცვლილების შეტანის თაობაზე“ აჭარის ავტონომიური რესპუბლიკას საქართველოს მთავრობის სარეზერვო ფონდიდან 2016 წლის მანდარინის (არასტანდარტული) მოსავლის რეალიზაციის მიზნით გამოეყო 500,0 ათასი ლარი. საქართველოს სახელმწიფო ბიუჯეტიდან საანგარიშო პერიოდში დაფინანსებამ შეადგინა 500,0 ათასი ლარი.
როგორც აჭარის 2016 წლის რესპუბლიკური ბიუჯეტის წლიური შესრულების ანგარიშშია აღნიშნული, ბიუჯეტის 2016 წლის სხვა შემოსავლების გეგმა განისაზღვრა 16 275,0 ათასი ლარით, შესრულებამ შეადგინა 16 570,6 ათასი ლარი ანუ გეგმის 101,8 პროცენტი. სხვა შემოსავლების საანგარიშო პერიოდის შესრულება მოდის მის შემდეგ სახეებზე: პროცენტებიდან შემოსავლების (სახაზინო ანგარიშზე არსებულ ნაშთზე დარიცხული სარგებელი) საანგარიშო პერიოდის გეგმა განისაზღვრა 11 300,0 ათასი ლარით, ფაქტიურმა შესრულებამ შეადგინა 11 383,4 ათასი ლარი, ანუ გეგმის 100,7 პროცენტი; შემოსავალი დივიდენდებიდან საანგარიშო პერიოდის გეგმა განისაზღვრა 1 600,0 ათასი ლარით, ხოლო ფაქტიურმა შესრულებამ შეადგინა 1 605,0 ათასი ლარი, გეგმის 100,3 პროცენტი; რენტიდან შემოსავლის საანგარიშო პერიოდის გეგმა განისაზღვრა 1 555,0 ათასი ლარით, ფაქტიურმა შესრულებამ შეადგინა 1 592,2 ათასი ლარი, ანუ გეგმის 102,4 პროცენტი (რენტიდან შემოსავლები მოიცავს მიწის იჯარიდან და მართვაში გადაცემიდან და სარგებლობის ლიცენზიის გაცემის საფასურით მიღებულ შემოსავლებს); საქონლისა და მომსახურების რეალიზაციის საანგარიშო პერიოდის გეგმა განისაზღვრა 653,0 ათასი ლარით, შესრულებამ შეადგინა 672,0 ათასი ლარი, ანუ გეგმის 102,9 პროცენტი; ჯარიმების, სანქციებისა და საურავების საანგარიშო პერიოდის გეგმა განისაზღვრა 100,0 ათასი ლარით, ხოლო ფაქტიურმა შესრულებამ შეადგინა 114,3 ათასი ლარი, ანუ გეგმის 114,3 პროცენტი; შერეული და სხვა არაკლასიფიცირებული შემოსავლების საანგარიშო პერიოდის გეგმა განისაზღვრა 1 067,0 ათასი ლარით, ხოლო ფაქტიურმა შესრულებამ შეადგინა 1 203,6 ათასი ლარი, ანუ გეგმის 112,8 პროცენტი.
ავტონომიური რესპუბლიკის რესპუბლიკური ბიუჯეტის 2016 წლის არაფინანსური აქტივების კლების (გაყიდვა) გეგმა განისაზღვრა 18 000,0 ათასი ლარით, ხოლო ფაქტიური შესრულება შეადგენს 17 790,4 ათას ლარს, ანუ გეგმის 98,8 პროცენტი. მათ შორის: ძირითადი კაპიტალის გაყიდვიდან მიღებულმა შემოსავალმა შეადგინა 1 895,6 ათასი ლარი, არაწარმოებული აქტივების (მიწის) გაყიდვიდან მიღებულმა შემოსავალმა შეადგინა 15 148,6 ათასი ლარი, ხოლო მატერიალური მარაგებისა და ფასეულობების გაყიდვიდან მიღებულმა შემოსავალმა შეადგინა 746,2 ათასი ლარი.
აჭარის რესპუბლიკური ბიუჯეტის 2016 წლის ფინანსური აქტივების კლების გეგმა განისაზღვრა 690,0 ათასი ლარით, ხოლო ფაქტიური შესრულება შეადგენს 689,2 ათას ლარს, ანუ გეგმის 99,9 პროცენტი. აღნიშნული თანხა წარმოადგენს შ.პ.ს. „თამარის დასახლების საოჯახო მედიცინის ცენტრის“ 100 პროცენტიანი და შ.პ.ს. „საოჯახო მედიცინის რეგიონალური ცენტრის“ 100 პროცენტიანი წილის გაყიდვიდან მიღებულ შემოსავლებს.
აჭარის ავტონომიური რესპუბლიკის რესპუბლიკური ბიუჯეტის გადასახდელები
2016 წლის აჭარის ავტონომიური რესპუბლიკის რესპუბლიკური ბიუჯეტის დაზუსტებული გადასახდელები 193 267,0 ათას ლარს შეადგენს, ხოლო ფაქტიური დაფინანსება კი 186 090,6 ათას ლარს, რაც გეგმის 96,3 პროცენტს შეადგენს.
აჭარის ავტონომიური რესპუბლიკის უმაღლესი საბჭო
აჭარის ავტონომიური რესპუბლიკის უმაღლესი საბჭოსათვის 2016 წლის რესპუბლიკური ბიუჯეტით გამოყოფილმა დაზუსტებულმა ასიგნებებმა 4 957,0 ათასი ლარი, ხოლო ფაქტიურმა დაფინანსებამ - 4 866,8 ათასი ლარი შეადგინა, რაც გეგმის 98,2 პროცენტია.
აჭარის ავტონომიური რესპუბლიკის უმაღლესი საარჩევნო კომისია
აჭარის ავტონომიური რესპუბლიკის უმაღლესი საარჩევნო კომისიისათვის 2016 წლის რესპუბლიკური ბიუჯეტით გამოყოფილი 3 313,1 ათასი ლარის ასიგნება დაფინანსებულია – 3 250,5 ათასი ლარით, რაც გეგმის 98,1 პროცენტია.
აჭარის ავტონომიური რესპუბლიკის მთავრობა და მასთან არსებული ორგანიზაციები
აჭარის ავტონომიური რესპუბლიკის მთავრობის, მასთან არსებული ორგანიზაციებისა და პროგრამული ღონისძიებებისათვის 2016 წლის რესპუბლიკური ბიუჯეტით გამოყოფილმა დაზუსტებულმა ასიგნებებმა 54 721,7 ათასი ლარი, ხოლო ფაქტიურმა დაფინანსებამ – 53 216,8 ათასი ლარი შეადგინა, რაც გეგმის 97,2 პროცენტია.
აჭარის ავტონომიური რესპუბლიკის ფინანსთა და ეკონომიკის სამინისტრო
აჭარის ავტონომიური რესპუბლიკის ფინანსთა და ეკონომიკის სამინისტროს, მის სისტემაში შემავალ ორგანიზაციებსა და პროგრამულ ღონისძიებებზე 2016 წლის რესპუბლიკური ბიუჯეტით გამოყოფილმა დაზუსტებულმა ასიგნებებმა 12 251,2 ათასი ლარი, ხოლო ფაქტიურმა დაფინანსებამ 11 174,2 ათასი ლარი შეადგინა, რაც გეგმის 91,2 პროცენტია.
აჭარის ავტონომიური რესპუბლიკის განათლების, კულტურისა და სპორტის სამინისტრო
აჭარის ავტონომიური რესპუბლიკის განათლების, კულტურისა და სპორტის სამინისტროს, მასთან არსებული ორგანიზაციებისა და პროგრამული ღონისძიებებისათვის 2016 წლის რესპუბლიკური ბიუჯეტით გამოყოფილმა დაზუსტებულმა ასიგნებებმა 40 497,6 ათასი ლარი, ხოლო ფაქტიურმა დაფინანსებამ 38 777,8 ათასი ლარი შეადგინა, რაც გეგმის 95,8 პროცენტია.
აჭარის ავტონომიური რესპუბლიკის ჯანმრთელობისა და სოციალური დაცვის სამინისტრო
აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს, მის სისტემაში შემავალ ორგანიზაციებსა და პროგრამულ ღონისძიებებზე 2016 წლის რესპუბლიკური ბიუჯეტით გამოყოფილმა დაზუსტებულმა ასიგნებებმა 14 599,0 ათასი ლარი, ხოლო ფაქტიურმა დაფინანსებამ – 14 423,6 ათასი ლარი შეადგინა, რაც გეგმის 98,8 პროცენტია.
აჭარის ავტონომიური რესპუბლიკის სოფლის მეურნეობის სამინისტრო
აჭარის ავტონომიური რესპუბლიკის სოფლის მეურნეობის სამინისტროს, მის სისტემაში შემავალ ორგანიზაციებსა და პროგრამულ ღონისძიებებზე 2016 წლის რესპუბლიკური ბიუჯეტით გამოყოფილმა დაზუსტებულმა ასიგნებებმა 8 247,2 ათასი ლარი, ხოლო ფაქტიურმა დაფინანსებამ – 8 008,2 ათასი ლარი შეადგინა, რაც გეგმის 97,1 პროცენტია.
საერთო დანიშნულების რესპუბლიკური გადასახდელები
საერთო დანიშნულების რესპუბლიკური გადასახდელების, რომლებიც მოიცავს ადგილობრივ თვითმმართველ ერთეულებზე გადასაცემ კაპიტალურ და სპეციალურ ფინანსურ დახმარებებს, სახელმწიფოს წილობრივი მონაწილეობით დაფუძნებული კერძო სამართლის იურიდიული პირების საწესდებო კაპიტალის ზრდის ხარჯებს, საწევროებს საერთაშორისო ორგანიზაციებში, აჭარის ავტონომიური რესპუბლიკის სარეზერვო ფონდს, სესხების მომსახურების ხარჯებს, უცხოეთიდან მიღებული დაფინანსების წყაროებით განსახორციელებელი საივესტიციო პროექტებისა და ამ პროექტების თანადაფინანსების ხარჯებს, უცხოეთიდან მიღებული სესხების დაბრუნების ხარჯებს, 2016 წლის დაზუსტებული გეგმა შეადგენს 54 680,1 ათას ლარს, ხოლო დაფინანსება კი - 52 372,7 ათას ლარს, რაც გეგმის 95,8 პროცენტია.
აჭარის ავტონომიური რესპუბლიკის სარეზერვო ფონდი
2016 წლის განმავლობაში აჭარის ავტონომიური რესპუბლიკის მთავრობის თავმჯდომარის ბრძანებებით, აჭარის ავტონომიური რესპუბლიკის სარეზერვო ფონდიდან გამოიყო 3 170,8 ათასი ლარი.
ადგილობრივ თვითმმართველ ერთეულებზე გადასაცემი სპეციალური ფინანსური დახმარება
აჭარის ავტონომიური რესპუბლიკის რესპუბლიკური ბიუჯეტიდან 2016 წლის ადგილობრივი თვითმმართველი ერთეულების ბიუჯეტებზე გადასაცემი სპეციალური ფინანსური დახმარების დაზუსტებულმა გეგმამ შეადგინა 3 697,8 ათასი ლარი, საიდანაც გახარჯულია 3 688,2 ათასი ლარი, რაც გეგმის 99,7 პროცენტია.
ადგილობრივ თვითმმართველ ერთეულებზე გადასაცემი კაპიტალური ფინანსური დახმარება
აჭარის ავტონომიური რესპუბლიკის რესპუბლიკური ბიუჯეტიდან 2016 წლის ადგილობრივი თვითმმართველი ერთეულების ბიუჯეტებზე გადასაცემი კაპიტალური ფინანსური დახმარების დაზუსტებულმა გეგმამ შეადგინა 42 845,2 ათასი ლარი, საიდანაც გახარჯულია 41 583,0 ათასი ლარი, რაც გეგმის 97,1 პროცენტია.
სახელმწიფოს წილობრივი მონაწილეობით დაფუძნებული კერძო სამართლის იურიდიული პირების საწესდებო კაპიტალის ზრდა
საანგარიშო პერიოდში განხორციელდა შ.პ.ს. „ჰიგიენა 2009“-ის საწესდებო კაპიტალის ზრდა 4 400,0 ათასი ლარის ოდენობით, აჭარის მყარი ნარჩენების მართვის მომსახურების, გაუმჯობესებისა და გაფართოებისათვის.
სესხების მომსახურების ხარჯები
საანგარიშო პერიოდში გადახდილი იქნა აჭარის მყარი ნარჩენების მართვის მომსახურების გაუმჯობესებისა და გაფართოებისათვის ევროპის რეკონსტრუქციისა და განვითარების ბანკიდან (EBRD) მიღებული სესხების მომსახურების ხარჯები 40,6 ათასი ლარი და გერმანიის რეკონსტრუქციის საკრედიტო ბანკიდან (KFW) მიღებული სესხის მომსახურების ხარჯები 267,5 ათასი ლარი.
უცხოეთიდან მიღებული დაფინანსების წყაროებით განსახორციელებელი საინვესტიციო პროექტები და ამ პროექტების თანადაფინანსების ხარჯები
საანგარიშო პერიოდში გადახდილი იქნა აჭარის წყალმომარაგებისა და წყალანირების სისტემების რეაბილიტაციის ხარჯები 89,1 ათასი ლარი, აჭარის მყარი ნარჩენების მართვის მომსახურების გაუმჯობესების და გაფართოების ხარჯები 374,0 ათასი ლარი და პროექტზე „მდგრადი სოფლის მეურნეობა აჭარაში“ 700,0 ათასი ლარი.
უცხოეთიდან მიღებული სესხების დაბრუნება
ევროპის რეკონსტრუქციისა და განვითარების ბანკიდან (EBRD) და გერმანიის რეკონსტრუქციის საკრედიტო ბანკიდან (KFW) მიღებული სესხის ძირი ნაწილის დაბრუნების მიზნით გაიხარჯა 1 220,7 ათასი ლარი.
საწევროები საერთაშორისო ორგანიზაციებში
საანგარიშო პერიოდში გადახდილი იქნა ევროპის რეგიონთა ასამბლეის საწევრო 9,5 ათასი ლარი.
