Air Arabia Jordan ამანი-თბილისი-ამანის მიმართულებით პირველი პირდაპირი რეისი დღეს განახორციელა. იორდანული დაბალბიუჯეტიანი ავიაკომპანია რეგულარულ ფრენებს კვირაში ორჯერ სამშაბათსა და პარასკევს, აირბას A320 ტიპის ავიახომალდებით შეასრულებს.
Air Arabia Jordan-ის ქართულ საავიაციო ბაზარზე შემოსვლასთან დაკავშირებით საზეიმო მიღება გაიმართა თბილისის საერთაშორისო აეროპორტში. ღონისძიებას, საქართველოს ელჩი იორდანიაში, ავიაკომპანია Air Arabia Jordan-ის, ტურიზმის ეროვნული ადმინისტრაციის, სამოქალაქო ავიაციის, აეროპორტების გაერთიანების, „საქაერონავიგაციისა" და ტავ ჯორჯიას ხელმძღვანელობა დაესწრო.
ცნობისთვის, დაბალბიუჯეტიანი Air Arabia Jordan არაბთა გაერთიანებული საამიროების ავიაკომპანია „Air Arabia"-ს 2015 წელს შეუერთდა.
Air Arabia რეგულარულ ფრენებს შარჯას მიმართულებით თბილისისა და ბათუმის საერთაშორისო აეროპორტებიდან 2016 წლის ზაფხულიდან ახორციელებს.
