„საქართველო ტურისტულად ძალიან მიმზიდველი ადგილია ვიზიტორებისთვის მთელი მსოფლიოდან“, აცხადებს ბაჰრეინის ავიაკომპანია Gulf Air-ის აღმასრულებელი დირექტორი მაჰერ სალმან ალ მუსალამი.
მაჰერ სალმან ალ მუსალამი განმარტავს, რომ საქართველოს აქვს სტრატეგიული ლოკაცია – იგი ევროპისა და აზიის გზაჯვარედინზე მდებარეობს, რაც სამომავლოდ ტურისტების ზრდას შეუყობს ხელს.
ავიაკომპანიის აღმასრულებელი დირექტორი ამბობს, რომ ავიაკომპანია რეგიონის მიმართ ინტერესს გამოხატავს, რამდენადაც GCC-ის (სპარსეთის ყურის თანამშრომლობის საბჭო) სამგზავრო მიმართულება უკვე მუშაობს თბილისში.
„Gulf Air-მა ეს მარშრუტი თბილისის მიმართულებით მომსახურების დაწყებამდე შეისწავლა და საერთაშორისო ვიზიტორების რაოდენობა საქართველოში ინტენსიურად იზრდება; ეს დადებითი მოვლენაა, რომლის ზრდასაც ჩვენ სამომავლოდაც ველით.
გარდა ამისა, რეგიონის მიმართ ჩვენ უდიდეს ინტერესს ვხედავთ, რამდენადაც GCC-ის (სპარსეთის ყურის თანამშრომლობის საბჭო) სამგზავრო მიმართულება უკვე მუშაობს თბილისში. მოხარულნი ვართ, რომ 2017 წლის 22 ივნისიდან ბაჰრეინსა და თბილისის აეროპორტს შორის ახალ ფრენებს ვიწყებთ, რომელიც კვირაში სამჯერ განხორციელდება. ამ მარშრუტით ჩვენს დამსვენებლებს GCC-ის რეგიონიდან ხელს ვუწყობთ და ვეხმარებით, რომ აღმოაჩინონ მომხიბლავი ქვეყანა – საქართველო, რომელიც ისტორიაში, კულტურასა და ხელოვნებაშია „ჩაძირული“”, აცხადებს Gulf Air-ის აღმასრულებელი დირექტორი.
მაჰერ სალმან ალ მუსალამი ამბობს, რომ მათი ავიაკომპანია GCC-ის რეგიონიდან სრული მომსახურების პირველი მიმწოდებელი იქნება, რომელიც GCC-დან მგზავრების ტრანსპორტირებას უზრუნველყოფს.
„Gulf Air-ის შთამბეჭდავი რეგიონული ქსელი ერთ-ერთი უდიდესია ახლო აღმოსავლეთში, რომელიც ყოველდღიურად 2-ჯერ უზრუნველყოფს ფრენებს, 10-ზე მეტი რეგიონული ქალაქით და გარდა ამისა, შესაძლებელია კონკრეტული დანიშნულებების არჩევა ევროპასა და ინდოეთის სუბკონტინენტზე. ისარგებლო ბაჰრეინის საერთაშორისო აეროპორტით ნიშნავს, რომ ჩვენ მოხერხებულად, ეფექტიანად და დაუბრკოლებრივ ვუზრუნველვყოთ საქართველოდან მგზავრთა ტრასპორტირებას მთელი რეგიონის მასშტაბით და პირიქით – რეგიონის ნებისმიერი წერტილიდან – საქართველოში”, აცხადებს Gulf Air-ის აღმასრულებელი დირექტორი.
შეგახსენებთ, რომ Gulf Air-ი თბილისის მიმართულებით ფრენებს ივნისიდან დაიწყებს. Gulf Air თბილისის მიმართულებით პირდაპირ ფრენებს 3 კვირის განმავლობაში განახორციელებს. ბაჰრეინის ეროვნლი ავიაგადამზიდავი პირდაირ ავიაფრენებს რეგიონის 10-მდე ქალაქში ახორციელებს, Bahrain International Airport-დან, რაც მგზავრებისთვის მას ჰაბად აქცევს.
