ბათუმში, ლუკა ასათიანის N26-ში სასტუმრო ,,ირეპალასი“ გაიხსნა. ოფიციალურ ცერემონიაში აჭარის მთავრობის თავმჯდომარემ ზურაბ პატარაძემ, აჭარის ფინანსთა და ეკონომიკის მინისტრმა რამაზ ბოლქვაძემ, ქალაქის მერმა გიორგი ერმაკოვმა და სხვა ოფიციალურმა პირებმა მიიღეს მონაწილეობა.
სასტუმროს მშენებლობა 2016 წელს დაიწყო. პროექტში 500 000 დოლარის ინვესტიცია განხორციელდა.
38 ნომრიან სასტუმროში საცურაო აუზი და სპროტული დარბაზია განთავსებული.
,,ირეპალასში“ ამ ეტაპზე 15 ადგილობრივია დასაქმებული.კომპანიის განცხადებით მათი რაოდენობა ზაფხულის პერიოდში გაიზრდება.
ზურაბ პატარაძემ ბათუმში კიდევ ერთი სასტუმროს გახსნის ფაქტს სასიხარულო უწოდა და იმედი გამოთქვა, რომ ქალაქის ცენტრში მდებარე თანამედროვე სტანდარტების სასტუმრო მიმზიდველი იქნება ტურისტებისთვის.
"ძალიან მნიშვნელოვანია, რომ ტურისტული სეზონის დაწყებამდე, კიდევ ერთი ახალი სასტუმრო შეემატა ჩვენს ქალაქს. ეს არის საოჯახო ტიპის სასტუმრო, რომელიც 40 ნომერზეა გათვლილი. დარწმუნებული ვარ ბევრი სტუმარი კომფორტულად დაისვენებს ამ სასტუმროში. მილიონ დოლარზე მეტი ადგილობრივი ინვესტიცია განხორცილედა, რაც ძალიან მნიშვნელოვანია" - აღნიშნა ზურაბ პატარაძემ.
