თამბაქოს მოხმარებასთან დაკავშირებულ საკანონმდებლო პაკეტს დღეს პარლამენტის ჯანდაცვის კომიტეტში მეორე მოსმენით განიხილავენ. დეპუტატები კანონპროექტზე მუხლობრივად იმსჯელებენ.
სხდომას ჯანმრთელობის მსოფლიო ორგანიზაციის ექსპერტთა ჯგუფი დაესწრება. კომიტეტზე კანონის იმპლემენტაციის საერთაშორისო გამოცდილებისა და თამბაქოს მოხმარების პრევენციის ევროპულ გამოცდილებას განიხილავენ.
საკანონმდებლო პაკეტთან დაკავშირებით, შენიშვნები აქვს მთავრობას. შენიშვნები 17 გვერდისგან შედგება და ის პარლამენტს უკვე წარედგინა.
