თურქეთს გააჩნია შესაძლებლობები, რათა მსოფლიო ტურიზმის TOP-3-ში მოხვდეს. განცხადებას აღნიშნულის შესახებ თურქეთის კულტურისა და ტურიზმის მინისტრი ნაბი ავჯი აკეთებს.
მინისტრის თქმით, ამ დროისათვის თურქეთი TOP-10-ში უკვე შედის.
„არ არსებობს არანაირი მიზეზი, რომ ჩვენი ქვეყანა მსოფლიო ტურისტული ინდუსტრიის ლიდერებში არ მოხვდეს. ყველაფერი ჩვენი ძალების რწმენაზეა დამოკიდებული“- განმარტა მინისტრმა.
მიუხედევად იმ კრიზისისა, რომელშიც თურქეთი 2016 წელს აღმოჩნდა, ქვეყანას ფარხმალი არ დაუყრია და ტურისტების მოზიდვას აქტიურად ცდილობს. ქვეყანა მსოფლიო ტურიზმის რუკაზე მეექვსე ნომრადაა წარმოდგენილი.
