საერთაშორისო ექსპერტმა, ადამინის უფელებების საკითხებში, მეგი ნიკოლსონმა საქართველოს ადამიანის უფლებების ეროვნული სტრატეგიის (2014-2020) შესრულების შეფასება წარადგინა.
ეროვნული სტრატეგია, რომელიც საქართველოს პარლამენტმა 2014 წლის 30 აპრილსმიიღო, ადამიანის უფლებების 23 თემატურსფეროს ეხება, მათ შორის არის ისეთი მიმართულებები, რომელიც იმ დროისთვის ქვეყნისთვის მთავარ გამოწვევას წარმოადგენდა: მართლმსაჯულების სისტემა, პენიტენციური სისტემა, წამებისა და არასათანადო მოპყრობის აღმოფხვრა და პრევენცია, პირადი ცხოვრების ხელშეუხებლობის უფლება, გამოხატვის თავისუფლება, შეკრებისა და მანიფესტაციის უფლება, უმცირესობათა უფლებები, ბავშვთა, შეზღუდული შესაძლებლობის მქონე პირთა, იძულებით გადაადგილებულ პირთა და მიგრანტთა უფლებები, გენდერული თანასწორობისა და შრომითი უფლებები.
სტრატეგიის ძალაში შესვლიდან 3 წლის შემდეგ, პროგრესისშესაფასებლად,მეგი ნიკოლსონი 2016 წლის ოქტომბერ-ნოემბერშისაქართველოში სპეციალური ვიზიტით იმყოფებოდა, რომლის ფარგლებში, სხვადასხვა განმახორციელებელ თუ დაინტერესებულ მხარეებს შეხვდა.
ექპერტი საკუთარ ანგარიშში გეგმის განხორციელების პროცესში მიღწეულ პროგრესზე, ხარვეზებსა და გამოწვევებზე საუბრობს. მნიშვნელოვანი ნაწილი პროცესის გასაუმჯობესებლად რეკომენდაციებს ეთმობა.
"არსებითი მნიშვნელობის არის მთავრობის სტრატეგიული დოკუმენტები, რომელიც თავისთავად იმედისმომცემი სიგნალია. ის ადასტურებს, რომ ადამიანის უფლებათა დაცვის პროცესი გრძელდება საქართველოში. ჩემს ანგარიშში აღნიშნულია ის მნიშვნელოვანი პროგრესი, რომელიც სტრატეგიის ყველა მიმართულებით თვალსაჩინოა. წარმატებულ მაგალითებად შეგვიძლია განვიხილოთ, 2015 წლის ივნისში მიღებული არასწრულწლოვანთა მართლმსაჯულების კოდექსი, 2013 წელს შეზღუდული შესაძლებლობების მქონე პირთა უფლებების შესახებ გაეროს კონვენციის რატიფიცირება. თუმცა, ამავე დროს შეგვიძლია ვისაუბროთ გამოწვევებზეც, რომელიც არსებობს ანტიდისკრიმინაციულ კონონში, აუცილებელია სასამართლო რეფორმა, პოლიტიკურ პროცესებში ქალის როლის გაძლიერება. მაგრამ, მთავარია შენარჩუნდეს ეროვნული სტრატეგიის სარგებლიანობა. ამისთვის საჭიროა მთავრობამ, ყველა დონეზე, კვლავ განამტკიცოს საკუთარი ვალდებულება და გააძლიეროს ადამიანის უფლებებზე დაფუძნებული მიდგომები, დანერგოს მონიტორინგისა და შეფასების პოლიტიკა და შესაბამისი პროგრამები", -განაცხადა საერთაშორისო ექსპერტმა მეგი ნიკოლსონმა.
ექსპერტის შეფასებებსა და რეკომენდაციებს იზიარებს განმახორციელებლი მხარე და სამუშაო გეგმაში შესაბამისი ცვლილებების შეტანას გეგმავს.
"2014 წელს საქართველოს პარლამეტის მიერ მიღებულმა ადამიანის უფლებათა ეროვნულმა სტრატეგიამ ერთგვარად საფუძველი ჩაუყარადემოკრატიულ რეფორმებს საქართველოში. 2014 წლის 30 აპრილი ნამდვილად იქცა ადამიანის უფლებებზე დაფუძნებული პოლიტიკის წარმოების დაწყების თარიღად. 2014 წლიდან დღემდე ქვეყანაში გვაქვს თვისობრივად განსხვავებული მდგომარეობა და ეს აღნიშნულია საერთაშორისო ექსპერტის მეგი ნიკოლსონის ანგარიშშიც.უმნიშვნელოვანესია ის ღია და ინკლუზიური პროცესი, რომლის მეშვეობითაც მთავრობა ითვალისწინებს ამ თუ სხვა კვლევებში აღნიშნულ ყველა რეკომენდაციას", - განაცხადა ადამიანის უფლებათა დაცვის სამდივნოს უფროსმა ნატალია ჯალიაშვილმა.
ექსპერტი მოწვეულია და ანგარიში წარდგენილია ამერიკის მთავრობის USAID-ის დაფინანსებული და აღმოსავლეთ-დასავლეთის მართვის ინსტიტუტის მიერ განხორციელებული პროგრამის „კანონის უზენაესობის მხარდაჭერა საქართველოში“ (PROLoG), და გაეროს განვითარების პროგრამის (UNDP) მიერ.
