გარემოს ეროვნული სააგენტოს ინფორმაციით 13 აპრილს დღის მეორე ნახევრიდან დასავლეთ საქართველოს ცალკეულ, ხოლო აღმოსავლეთ საქართველოს უმეტეს რაიონში იწვიმებს. ჰაერის ტემპერატურა დასავლეთ საქართველოს დაბლობში +21, +26, აღმოსავლეთ საქართველოს ბარში +13, +18 გრადუსი იქნება.
14 აპრილს ქვეყნის ტერიტორიის უმეტეს ნაწილზე გაწვიმდება, ზოგან ძლიერად, დღისით იქროლებს დასავლეთის მიმართულების ძლიერი ქარი. უამინდობა შენარჩუნდება 15 აპრილის დილამდე, დღისით შედარებით გამოიდარებს.
16 – 17 აპრილს დასავლეთ საქართველოში თბილი და უმეტესად უნალექო ამინდი იქნება. ჰაერის ტემპერატურა დაბლობში +20, +25 გრადუსია მოსალოდნელი. 16 -17 აპრილს აღმოსავლეთ საქართველოს ცალკეულ რაიონში გაწვიმდება.
დედაქალაქში 16 აპრილს დღისით და 17 აპრილს დილის საათებში მცირე წვიმაა შესაძლებელი.
