გერმანიიის ქალაქ დორტმუნდში საფეხბურთო კლუბ „ბორუსიას“ ავტობუსთან სამი აფეთქება მოხდა. ინციდენტის შედეგად ერთმა სპორტსმენმა სხეულის მსუბუქი დაზიანება მიიღო. საფეხბურთო კლუბის მცველი მარკ ბარტრა სასწრაფო დახმარების მანქანით საავადმყოფოში გადაიყვანეს. მისი ჯანმრთელობის მდგომაროება ამჟამად სტაბილურია. სამართალდამცველებმა ადგილზე აღმოაჩინეს წერილიც, რომლის შინაარსი, გამოძიების ინტერესებიდან გამომდინარე, ჯერ- ჯერობით არ საჯაროვდება. ამ ეტაპზე პროკურატურა მომხდარს ტერაქტის კვალიფიკაციას არ აძლევს. დორტმუნდის „ბორუსიასა“ და „მონაკოს“ შეხვედრა გუშინ უნდა გამართულიყო, თუმცა შეხვედრა დღეს ჩატარდება.
