ავიაკომპანიაTurkish Airlines-ი (THY) სამარშუტო ქსელის გაფართოებას გეგმავს, აღნიშნულის შესახებ განცხადებას ავიაკომპანიის გენერალური დირექტორი ბილალ ეკში აკეთებს.
მისი თქმით, Turkish Airlines-მა 2016 წელი წარმატებულად დაასრულა და 2017 წლისთვის ავიაკომპანია, მსოფლიო ტრენდის გათვალისწინებით, ახალ მიმართულებებს დაამატებს.
„Turkish Airlines-ს განვითარება თურქეთში სტაბილურობასთანაა დაკავშირებული. თურქეთში ტურისტული ნაკადი მზარდია, რასაც ავიაბილეთების რეზერვაციის მაჩვენებელიც ადასტურებს. თუ კი ეს ტენდენცია შენარჩუნდება, საკონსტიტუციო რეფერენდუმის შემდეგ, თურქეთში დიდი გარღვევა იქნება და ეს გარღვევები შეეხება Turkish Airlines-საც“, - განაცხადა ეკშიმ.
ავიაკომპანია 2017 წელს 63 მლნ მგზავრის გადაყვანას გეგმავს.
„დღეისათვის Turkish Airlines-ი თურქეთის 300 ქალაქში და მსოფლიოს 120 ქვეყანაში დაფრინავს. სწორედ ამიტომ ის მსოფლიოს ერთ-ერთი ლიდერი კომპანიაა. გარკვეულ მიმართულებებზე რეისების შეწყვეტა ხდება მხოლოდ ზამთრის პერიოდში. ჩვენ გავაკეთებთ ყველაფერს, რათა ეს რეკორდი შევინარჩუნოთ“, განმარტა ეკშიმ.
