რუსეთის პრეზიდენტი აშშ-ის მიერ სირიაში მდებარე ობიექტზე სარაკეტო დარტყმას სუვერენული სახელმწიფოს წინააღმდეგ მიმართულ აგრესიად მიიჩნევს, ამის შესახებ პუტინის პრესმდივანმა პესკოვმა განაცხადა.
მისი თქმით, რუსეთის პრეზიდენტი მიიჩნევს, რომე ეს ფაქტი რუსეთ-ამერიკის ურთიერთობებს დააზარალებს.
„პრეზიდენტი პუტინი სირიის წინააღმდეგ განხორციელებულ აშშ-ის სარაკეტო დარტყმებს აგრესიად და საერთაშორისო ნორმების დარღვევად აფასებს. პუტინი ფიქრობს, რომ სარაკეტო დარტყმა გამოგონილი მიზეზით განხორციელდა“, - განაცხადა პესკოვმა.
ვლადიმერ პუტინის პრესმიდვანმა აღნიშნა, რომ სირიის არმია არ ფლობს ქიმიური იარაღის მარაგებს. მისივე თქმით, ქიმიური იარაღის განადგურების ფაქტი გაეროს სპეციალურმა ქვედანაყოფმა დაადასტურა.
გარდა ამისა, პუტინის მოსაზრებით, ტერორისტების მიერ ქიმიური იარაღის გამოყენების ფაქტების სრული უგულებელყოფა არსებითად ამძიმებს ვითარებას.
