მიმდინარე წლის ზაფხულის სანავიგაციო სეზონზე ავიკომპანიები “Georgian Airways“ და “NordStar” ქვეყნებს შორის მრავალჯერად ჩარტერულ რეისებს განახორციელებენ.
13 აპრილიდან, ქართული ავიაკომპანია “Georgian Airways“ ოპერირებას თბილისი-მაჰაჩკალა-თბილისის საჰაერო ხაზზე იწყებს. რეისები ოქტომბრის ბოლომდე,... კვირაში 2 სიხშირით, ყოველ ხუთშაბათსა და კვირას Boeing B737 და/ან Bombardier CRJ200 ტიპის საჰაერო ხომალდებით შესრულდება.
1 მაისიდან, რუსული ავიაკომპანია “NordStar” ჩარტერულ ავიამიმოსვლას მოსკოვი-ბათუმი-მოსკოვის მიმართულებით იწყებს. რეისები ოქტომბრის ბოლომდე, კვირაში 3 სიხშირით, ყოველ ორშაბათს, ოთხშაბათსა და პარასკევს, Boeing B737-800 ტიპის საჰაერო ხომალდით განხორციელდება.
საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოს მიერ ავიაკომპანიებს ჩარტერული საჰაერო მიმოსვლის შესრულების ნებართვა უკვე მიენიჭათ.
